لو شخصيتك ضعيفة تعالى

عايزة اقولكم حاجة من الاخر كدة علشان انا بحب الاختصار ومش بحب ارغى كتير
ضعف شخصيتك طاخ طوخانتى اللى بتعمليه يعنى لما تسمحى لاى حد سواء كان جوزك او اهله اوحتى وحدة صحبتك انهم يغلطوا فيكى او يهنوكى او يهزروا معاكى هزار رخم تبقى انتى السبب يعنى انتى اللى المفروض تتحكمى فى المسافة لاى علاقة بينك وبين اى حد واذا كان ربنا عز وجل قال فى كتابه الكريم (ولقد كرمنا بنى ادم)تروحى انتى تذلى نفسك ليه وتسمحى بالغلط وصدقينى والله اى حاجة تسمحى بيها من الاول هتتكرر تانى لو مش اخدتى موقف من اول مرة الخطوات اللى لازم تاخديها هى انك تثقى بنفسك يعنى حتى لوفيكى عيب ظاهر ماتسمحيش لحد انه يتكلم فيه وكمان خلى كلامك قليل دايما مع الناس فكثرة الكلام تسقط الهيبةدايخة وزى ما قال سقراط تكلم حتى اراك فالمرء مخبؤ تحت لسانه شششش وخليكى غامضة يعنى خدى وماتديش واوعى تعملى زى عبد الباسط حمودة وتغنى اديك تقوك ماخدش يا ناكر الجميل هههههههه ما علينا بلاش مسخرة خلينا فى الجد دلوقتى المهم
انتى تحطى حدود يعنى خط احمر بينك وبين اللى قدامك وتعرفيه حدودة اللى مش لازم يتعداها يعنى بلاش تهزرى مع اى حد اذا رفعت الكلفة زادت الالفة المهم نرتب الخطوات
1_الثقة بالنفس
2_قليل الكلام والغموض
3_بلاش هزار كتير مع الناس الغريبة او اللى عايزة تعملى معاهم شخصية